افغانستان کیخلاف دو میچز ڈرا کرنا پاکستان ٹیم کیلئے فائدہ مند ثابت ہوا

رپورٹ: فیضان لاکھانی۔۔۔ فیفا کی جاری کردہ تازہ ترین ورلڈ رینکنگ میںپاکستان فٹبال ٹیم کی پوزیشن میں ایک درجہ بہتری آئی ہے۔ قومی ٹیم اب ایک قدم اوپر آ کر 198ویں نمبرپر پہنچ گئی ہے۔

پاکستان ٹیم کی یہ بہتری حال ہی میں افغانستان کے خلاف کھیلے گئے ایشین کپ کوالیفائر کے دو میچز کے نتیجے میں ممکن ہوئی، جن میں دونوں مقابلے ڈرا پر اختتام پذیر ہوئے۔

افغانستان رینکنگ میں پاکستان سے بہتر ٹیم ہے، اسی وجہ سے ان میچز سے پاکستان ٹیم کو8 رینکنگ پوائنٹس ملے، جس کے بعد ٹیم کے مجموعی پوائنٹس کی تعداد 837 ہوگئی۔

عالمی درجہ بندی کے میںاسپین بدستور پہلی پوزیشن پر براجمان ہے جب کہ ارجنٹائن دوسرے نمبر پر آگیا اور فرا نس تیسری پوزیشن پر ہے۔