ویمن بلائنڈ کرکٹ ورلڈ کپ کیلئے قومی ٹیم کا کیمپ میرپور میں لگے گا

رپورٹ: سہیل عمران۔۔۔ پاکستان ویمن بلائنڈ کرکٹ ٹیم ویمن بلائنڈ کرکٹ ورلڈ کپ 2024کی تیاریوں کے سلسلے میں 25 اکتوبر سے میرپور میں تربیتی کیمپ شروع کرے گی۔

ذرائع کے مطابق پاکستان ویمن بلائنڈ کرکٹ ٹیم کا اعلان ایک دو روز میں کیا جائےگا اور اسکواڈ 16 کھلاڑیوں اور5 آفیشلز پر مشتمل ہو گا۔

کیمپ 8 نومبر تک جاری رہے گا جس کے بعد ٹیم 9 نومبر کو سری لنکا روانہ ہوجائے گی۔ویمن بلائنڈ کرکٹ ورلڈ کپ 11 سے 23 نومبر تک انڈیا اور سری لنکا میں کھیلا جائے گا۔

ویمن بلائنڈ کرکٹ ورلڈ کپ کے دونوں سیمی فائنلز اور فائنل سمیت 15 میچز کولمبو میں ہوں گے جبکہ ایونٹ کے 9 میچز بھارت میں ہوں گے۔ ویمن بلائنڈ کرکٹ ورلڈ کپ کی سیمی فائنلز 22 اور فائنل 23 نومبر کو کولمبو میں ہو گا۔