پاکستانی کرکٹ ٹیم کی آج ہونے والی پریس کانفرنس منسوخ

رپورٹ: عبد الماجد بھٹی۔۔۔ پاکستانی کرکٹ ٹیم کی آج ہونے والی پریس کانفرنس منسوخ کردی گئی ہے۔

ذرائع کا کہنا ہے کہ پاکستانی کھلاڑی نے شام ساڑھے سات بجے پریس کانفرنس کرنا تھی مگر اب منسوخ کردی گئی ہے۔

ذرائع کا کہنا ہے کہ پاکستان ٹیم کی پریکٹس رات نو بجے پروگرام کے مطابق ہوگی اور صورتحال تبدیل ہوئی تو پریکٹس بھی منسوخ ہوسکتی ہے۔

علم میں رہے کہ ایشیاکپ میں پاکستان اور متحدہ عرب امارات کے درمیان میچ کل کھیلا جائے گا۔

ذرائع کے مطابق آئی سی سی کی جانب سے پی سی بی کو آگاہ کیا جا چکا ہے کہ ایشیا کپ سے میچ ریفری اینڈی پائی کرافٹ کو ہٹانے کا مطالبہ مسترد کردیا گیا ہے۔

ذرائع کا بتانا ہے کہ مستقبل کے لائحہ عمل کے لیے حکومت سے مشاورت کا امکان ہے اور پی سی بی چیئرمین محسن نقوی کی اہم حکومتی عہدیداران سے آج مشاورت کا امکان ہے۔

واضح رہے کہ ایشیا کپ 2025 میں پاکستان اور بھارت کے درمیان ہوئے میچ میں بھارتی کھلاڑیوں کے رویے پر تنازع پیدا ہوا جس میں ٹاس کے موقع پر بھارتی کپتان سوریا کمار یادو نے پاکستانی کپتان سلمان علی آغا سے ہاتھ نہیں ملایا پھر اس کے بعد میچ ختم ہونے کے بعد بھی پاکستان کے ساتھ روایتی ہینڈ شیک کئے بغیر اپنے ڈریسنگ روم کی جانب روانہ ہوگئے۔