بھارتی ٹیم کے نامناسب رویے پر پاکستانی ٹیم مینیجر کا احتجاج

ایشیا کپ 2025 کے پاکستان اور بھارت کے ہائی وولٹیج میچ کے بعد بھارتی کھلاڑیوں کے رویے پر نیا تنازع کھڑا ہوگیا۔ 

پاکستانی ٹیم مینیجر نوید اکرم چیمہ نے بھارتی کھلاڑیوں کے رویے اور میچ ریفری کے طرزِ عمل پر باضابطہ احتجاج ریکارڈ کروا دیا ہے۔

پاکستانی مینیجر کا کہنا ہے کہ بھارتی کھلاڑیوں کا میچ کے بعد ہاتھ نہ ملانا کھیل کی اسپرٹ کے خلاف ہے، جس سے کرکٹ کے مثبت تاثر کو نقصان پہنچا، ٹاس کے موقع پر میچ ریفری نے کپتانوں سے ہاتھ  نہ ملانے کی درخواست کی تھی۔

پاکستانی کپتان سلمان علی آغا نے اسی نامناسب رویے کے خلاف بطور احتجاج اختتامی تقریب میں شرکت نہیں کی۔

اسی حوالے سے پاکستان کے ہیڈ کوچ مائیک ہیسن نے کہا کہ بھارتی ٹیم نے جو حرکت کی، اس پر پاکستانی ردِعمل فطری تھا۔