مانچسٹر پولیس نے حیدر علی کو گرفتاری کے بعد ضمانت پر رہا کردیا

قومی کرکٹر حیدر علی کی مانچسٹر میں گرفتاری کے بعد ضمانت پر رہائی ہوگئی، ان پر خاتون سے مبینہ زیادتی کا الزام ہے۔

پولیس نےحیدر علی کو دو ہفتے بعد دوبارہ طلب کیا ہے اور تاحال ان کے برطانیہ چھوڑنے پر پابندی عائد ہے۔

پی سی بی نے کرکٹر حیدر علی کو معطل کر دیا

پی سی بی نے کرکٹر حیدر علی کو معطل کر دیا

واضح رہے کہ یہ واقعہ پاکستان شاہینز کرکٹ ٹیم کے حالیہ دورہ انگلینڈ کے دوران پیش آیا۔

دوسری جانب پاکستان کرکٹ بورڈ (پی سی بی) نے کرکٹر حیدر علی کو معطل کردیا ہے اور بورڈ کا کہنا ہے کہ انہیں مکمل قانونی مدد فراہم کی جائے گی۔

پی سی بی نے بتایا ہے کہ حیدر علی کے خلاف قانونی کارروائی مکمل ہونے کے بعد انضباطی کارروائی پر غور کیا جائے گا۔

اس کے علاوہ پاکستان کرکٹ بورڈ کا یہ بھی کہنا ہے کہ قانونی کارروائی کے خاتمے تک پی سی بی  مزید کوئی تفصیلات جاری نہیں کرے گا۔