فخر زمان ویسٹ انڈیز سیریز سے باہر، وطن واپسی کا فیصلہ

پاکستان کرکٹ ٹیم کے اوپننگ بیٹر فخر زمان ہیمسٹرنگ انجری کے باعث ویسٹ انڈیز کے خلاف جاری سیریز سے باہر ہو گئے ہیں۔

فخر زمان ویسٹ انڈیز کے خلاف دوسرے ٹی ٹوئنٹی میچ کے دوران 19 ویں اوور میں فیلڈنگ کرتے ہوئے انجری کا شکار ہوئے تھے لہٰذا اب وہ مزید میچز میں شرکت نہیں کر پائیں گے۔

فخر زمان آج شام تک وطن واپس لوٹیں گے جہاں وہ نیشنل کرکٹ اکیڈمی (این سی اے) میں ری ہیب کا عمل شروع کریں گے۔

خیال رہے کہ ٹیم مینجمنٹ نے ان کی فٹنس کو مدنظر رکھتے ہوئے احتیاطی فیصلہ کیا ہے تاکہ وہ مستقبل میں مکمل طور پر فٹ ہو کر دستیاب ہوں۔

دوسری جانب پاکستان ٹیم کا ویسٹ انڈیز کے خلاف فیصلہ کن معرکہ جاری ہے جہاں پاکستان نے پہلے بیٹنگ کا فیصلہ کرتے ہوئے 4 وکٹوں کے نقصان پر 189 رنز اسکور کئے۔