ایشین انڈر 16 والی بال چیمپئن شپ میں پاکستان کا فاتحانہ آغاز

رپورٹ: فیضان لاکھانی۔۔۔ تھائی لینڈ میں شروع ہونے والی ایشین انڈر 16 والی بال چیمپئن شپ میں پاکستان نے فاتحانہ آغاز کرتے ہوئے پہلے میچ میں کوریا کو شکست دے دی۔

ایشین انڈر 16 والی بال چیمپین شپ کے پہلے روز گروپ ڈی میں پاکستان نے کوریا کو تین ۔ صفر سے شکست دی۔

پاکستان کی کامیابی کا اسکور 25 ۔ 16، 25 ۔ 19 اور 25 ۔ 8 رہا ۔ میچ میں پاکستان کے جانب سے طلحہ، جنید ، وہاب، عرفان، فیضان اور سنان نے شاندار کھیل پیش کیا اور جیت میں اہم کردار ادا کیا ۔

تھائی لینڈ میں جاری ایونٹ میں پاکستان اپنا دوسرا میچ جمعے کو سعودی عرب کے خلاف کھیلے گا۔