پاکستان کے ہاکی اولمپئینز نے ایشیا کپ ہاکی ٹورنامنٹ بھارت سے شفٹ کرنے کا مطالبہ کر دیا

رپورٹ: سہیل عمران۔۔۔ لاس اینجلس اولمپکس 1984کے گولڈ میڈلسٹ ہاکی اولمپئین توقیر ڈار کا کہنا ہے کہ بھارت اور پاکستان کے درمیان جنگ کی صورتحال ہے انہوں نے ہمارا پانی بند کیا ہوا ہے ہم کیسے سوچ سکتے ہیں کہ ہمارے کھلاڑی وہاں جائیں اور کھیلیں اگر چلے بھی جاتے ہیں تو جو ماحول ان کو دیا جائے گا وہ ایک قید ہو گی اور قید میں کھلاڑی کیا پرفارم کریں گے۔

اولمپئین توقیر ڈار نے کہا کہ ایشیا کپ کو نیوٹرل وینیو پر منتقل کرنا ہو گا اگر شفٹ نہیں کرنا تو پھر پاکستان کے میچز نیوٹرل وینیو پر کرائیں۔

پاکستان ہاکی ٹیم ایشیا کپ ٹورنامنٹ کھیلنے بھارت نہیں جائے گی

پاکستان ہاکی ٹیم ایشیا کپ ٹورنامنٹ کھیلنے بھارت نہیں جائے گی

اولمپئین خواجہ جنید نے کہا کہ ایشیا کپ کے لیے بھارت جانے کے لیے حکومت جو فیصلہ کرے اس کے مطابق چلنا چاہئے ہم اس وقت بھارت کے ساتھ حالت جنگ میں ہیں اور اب جو صورتحال ہے وہ اس سے پہلے کبھی نہیں تھی۔

خواجہ جنید نے کہا کہ ایشیا کپ کے لیے نیوٹرل وینیو ہی ترجیح ہونی چاہئے پی سی بی کے چیئرمین محسن نقوی کی طرح سخت موقف اپنانا چاہئے۔

انہوں نے کہا کہ پاکستان ہاکی فیڈریشن کو چاہئے کہ وہ ایشیا کپ میں اپنے میچز کے لیے نیوٹرل وینیو کا مطالبہ کرے اگر نیوٹرل وینیو کو نہیں مانا جاتا تو بھارت سے ایونٹ کو تبدیل کر دینا چاہئے۔