پی سی بی کو ڈومیسٹک اور ہائی پرفارمنس کیلئے کوچز کی تلاش، پچھلے کوچز کو فارغ کرنے کا فیصلہ

رپورٹ: سہیل عمران۔۔۔ پاکستان کرکٹ بورڈ (پی سی بی) نئے ڈومیسٹک سیز ن کے لئے کوچز کی بھرتی کرے گا۔

ذرائع کا بتانا ہے کہ گزشتہ سیزن کے بعض کوچز کے کنٹریکٹس میں توسیع نہیں کی جارہی ہے۔

اس بارے میں ذرائع کا کہنا ہے کہ توسیع نہ کئے جانے والے کوچز کو ان کی پرفارمنس کی بنیاد پر فارغ کیا جا رہا ہے۔

واضح رہے کہ پی سی بی نے ڈومیسٹک اور ہائی پرفارمنس کوچزکے لئے درخواستیں طلب کر لیں ہیں اور اشتہار بھی جاری کردیا ہے۔

پی سی بی کی جانب سے جاری کئے گئے اشتہار کے مطابق ڈومیسٹک اور ہائی پرفارمنس کوچز کے لئے لیول ون کوچنگ کاتجربہ ہونا چاہیئے ۔

ڈومیسٹک اور ہائی پرفارمنس کوچز کے لئے کم از کم 10 فرسٹ کلاس میچز کھیلنے والے افراد اپلائی کر سکتے ہیں۔ درخواستیں جمع کرانے کی آخری تاریخ 25 جولائی ہے۔