انٹر نیشنل کرکٹ کونسل کو انڈین کرکٹ کونسل بنانے کا عمل تیز تر

رپورٹ: سہیل عمران۔۔۔ انٹر نیشنل کرکٹ کونسل (آئی سی سی) میں جے شاہ کے بعد آئی سی سی کے میڈیا رائٹس پارٹنر سنجوگ گپتا کی آئی سی سی میں بطور سی ای او بھرتی ہوگئی ہے۔

اس بارے میں ذرائع کا بتانا ہے کہ سنجوگ گپتا کی بھرتی مفادات کا تصادم قرار دی جانے لگی ہے کیونکہ سنجوگ گپتا آئی سی سی کی ریونیو شئیرنگ میں انڈیا کے ذیادہ حصے بات کرتے رہے ہیں۔

آئی سی سی میں جے شاہ کے بعد ایک اور اہم عہدے پر بھارتی تعینات

آئی سی سی میں جے شاہ کے بعد ایک اور اہم عہدے پر بھارتی تعینات

ذرائع کے مطابق سنجوگ گپتا کاموقف ہے کہ چونکہ زیادہ پیسے بھارت سے آتے ہیں لہٰذا اس کا شیئر بھی زیادہ ہو۔

اس کے علاوہ ذرائع کا یہ بھی کہنا ہے کہ جے شاہ پہلے بھارتی بورڈ کے گارو سکسینا اور پربھرکن تھنراج کو بھی آئی سی سی میں بھرتی کر چکے ہیں۔ پربھرکن تھنراج آئی سی سی میں کمرشل اینڈ آپریشنز کے نائب صدر ہیں۔

جبکہ گارو سکسینا آئی سی سی میں جی ایم ایونٹ اینڈ کارپوریٹ کمیونیکیشنز ہیں۔ گارو سکسینا بھارتی بورڈ میں جی ایم آپریشنز رہے ہیں۔

ذرائع کا بتانا ہے کہ آئی سی سی میں بھارت کی اہم عہدوں پر اجارہ داری سے دیگر بورڈز کو تحفظات ہیں۔