ورلڈ کلب ٹی ٹوئنٹی چیمپئن شپ کے انعقاد کا فیصلہ آئی سی سی کرے گا

رپورٹ: سہیل عمران۔۔۔ ورلڈ کلب ٹی ٹوئنٹی چیمپئن شپ کے انعقاد کا فیصلہ انٹرنیشنل کرکٹ کونسل (آئی سی سی) کرے گا۔

ذرائع کا کہنا ہے کہ پاکستان سپر لیگ کی چیمپئن لاہور قلندرز کی ایونٹ میں عدم شرکت کی خبریں من گھڑت ہیں کیونکہ ورلڈ کلب ٹی ٹوئنٹی چیمپئن شپ ہی نہیں ہو رہی تو پاکستان کو نکالنے کی بات قبل از وقت ہے۔

ذرائع کے مطابق ڈومیسٹک ٹی ٹوئنٹی لیگز کی چیمپئن ٹیموں کے درمیان ایسے کسی ایونٹ کا کوئی فیصلہ نہیں ہوا ہے۔

ذرائع کا کہنا ہے کہ انگلینڈ اجلاس میں اس ایونٹ بارے کوئی بات ہی نہیں ہوئی اور اس اجلاس میں نہ تو پی ایس ایل اور نہ ہی آئی پی ایل نمائندوں نے شرکت کی۔

ذرائع کا یہ بھی بتایا ہے کہ کسی ملک کے کرکٹ بورڈ کے اجلاس میں ایسی کوئی بات نہیں ہو ئی اور ورلڈ کلب ٹی ٹوئنٹی چیمپئن شپ کے بارے میں آئی سی سی نے فیصلہ کرنا ہے۔