انڈور کرکٹ ورلڈکپ رواں سال سری لنکا میں ہوگا، پاکستان شامل نہیں

رپورٹ: سہیل عمران۔۔۔ انڈور کرکٹ ورلڈکپ 27 ستمبر سے 4 اکتوبرتک سری لنکا میں کھیلا جائےگا۔

انڈور کرکٹ ورلڈکپ میں 9 ٹیموں کےدرمیان مقابلہ ہوگا مگر اس میں پاکستان کرکٹ ٹیم شامل نہیں۔

انڈور کرکٹ ورلڈکپ میں میزبان سری لنکا سمیت آسٹریلیا،انگلینڈ،بھارت اور نیوزی لینڈشامل ہے۔

اس کے علاوہ سنگاپور،جنوبی افریقہ،یواےای اور یو ایس اے کی ٹیم انڈور ورلڈکپ میں شرکت کریں گی۔

خیال رہے کہ کرکٹ آسٹریلیا نے انڈورکرکٹ ورلڈکپ کے مینز اور ویمنز کے لئے اسکواڈ کا اعلان کر دیا ہے۔