پاکستان بیس بال ٹیم کے کھلاڑی لانس خان ٹریفک حادثے میں جاں بحق

رپورٹ: فیضان لاکھانی۔۔۔ پاکستان بیس بال ٹیم کے کھلاڑی لانس خان ٹریفک حادثے میں جاں بحق ہوگئے۔

بیس بال فیڈریشن کے صدر فخر شاہ نے اس بارے میں بتایا کہ لانس خان اتوار کی صبح ہیوسٹن میں ٹریفک حادثے کا شکار ہوئے تھے۔

فخر شاہ نے کہا کہ لانس خان پاکستان کے بیرون ملک مقیم ٹیلنٹ میں سے ایک تھا۔

انہوں نے کہا کہ لانس خان آوٹ فیلڈ کی پوزیشن پر کھیلتے تھے۔ لانس خان نے 2023 کے لنکون کپ میں پاکستان کی جانب سے ایک میچ کھیلا تھا۔

علم میں رہے کہ لانس خان کے بھائی پیئرس خان بھی پاکستان بیس بال ٹیم کے پلیئر ہیں۔