بابر کے بعد رضوان اور شاہین کے بھی بگ بیش کیلئے معاہدے

رپورٹ: عبدالماجد بھٹی۔۔۔ پاکستان کرکٹ میں بابر اعظم، محمد رضوان اور شاہین شاہ آفریدی کا ستارہ گردش میں ہے لیکن تینوں کھلاڑی اس سال بگ بیش لیگ میں ایکشن میں ہوں گے۔

ذرائع کے مطابق بابر اعظم کے بعد محمد رضوان نے میلبرن رینی گیڈز اور شاہین آفریدی نے برسبین ہیٹ سے پلاٹینم کیٹگری میں معاہدے کر لئے ہیں۔

بابر اعظم کا سڈنی سکسرز سے معاہدہ ہوگیا

بابر اعظم کا سڈنی سکسرز سے معاہدہ ہوگیا

پاکستانی کرکٹرز نے پری ٹورنامنٹ سائننگ کرلی ہے جس کا اعلان فرنچائز کریں گی۔ بابر اعظم گذشتہ تین ٹی ٹوئنٹی سیریز میں پاکستانی ٹیم کا حصہ نہیں ہیں ۔

سڈنی سکسرز سے بابراعظم کا معاہدہ بی بی ایل کی تاریخ کے چند سب سے بڑے اور پرکشش معاہدوں میں سے ایک ہے۔ سڈنی سکسرز کے مطابق قوانین کے تحت کوئی بھی ٹیم ڈرافٹ سے قبل کسی بھی ایک انٹرنیشنل پلیئر کے ساتھ براہ راست معاہدہ کرسکتی ہے۔

بگ بیش لیگ کے سیزن 15 کے لیے شاداب خان، حارث رؤف، محمد حسنین، اُسامہ میر اور خواتین ٹیم کی کپتان فاطمہ ثنا نے بھی رجسٹریشن کرائی ہے اور ڈرافٹ 19 جون کو شیڈول ہے۔