اینڈرسن ٹنڈولکر ٹرافی کی تقریب رونمائی ملتوی کردی گئی

رپورٹ: سہیل عمران۔۔۔ انگلینڈ اور بھارت کےدرمیان اینڈرسن ٹنڈولکر ٹرافی کی تقریب رونمائی ملتوی کردی گئی۔

کرکٹ ویب سائٹ کے مطابق مجوزہ اینڈرسن ٹنڈولکر ٹرافی کی گرینڈ لانچنگ احمد آباد طیارہ حادثے کی وجہ سے ملتوی کی گئی ہے۔

یاد رہے کہ ٹرافی کونام دینے کی لانچنگ تقریب ورلڈٹیسٹ چیمپئن شپ کی سائیڈلائن پر 14 جون کو رکھی گئی تھی۔

کرکٹ ویب سائٹ کے مطابق دونوں بورڈ ز نے باہمی مشاورت سے تقریب کو ملتوی کرنے کا فیصلہ کیا ہے۔

انگلینڈ اور بھارت کےدرمیان ٹیسٹ سیریز کو اینڈرسن ٹنڈولکر ٹرافی کا نام دیا گیا ہے، انگلینڈ کے جیمز اینڈرسن اور بھارت کے سچن ٹنڈولکر کو خراج تحسین پیش کرنے کے لئے ٹرافی کو نام دیا گیا ہے۔

واضح رہے کہ انگلینڈ اور بھارت کے درمیان پانچ ٹیسٹ میچ کی سیریز ماہ راوں میں شروع ہونا ہے۔