پاکستان سپر لیگ 10 کے بقیہ میچز کا شیڈول جاری

پاکستان سپر لیگ 10 کے بقیہ میچز کا شیڈول پی سی بی نے جاری کر دیا۔

پی سی بی کی جانب سے جاری کیے گئے شیڈول کے مطابق 17 مئی کو راولپنڈی اسٹیڈیم میں پشاور زلمی اور کراچی کنگز کے درمیان میچ ہو گا۔

18 مئی کو راولپنڈی اسٹیڈیم میں ڈبل ہیڈر مقابلہ ہو گا جس میں ملتان سلطانز کا کوئٹہ گلیڈی ایٹرز کے درمیان میچ ہو گا جبکہ شام کو لاہور قلندرز اور پشاور زلمی مدِ مقابل ہوں گے۔

19 مئی کو کراچی کنگز اور اسلام آباد یونائیٹڈ کے درمیان میچ ہو گا، 20 مئی کو آرام کا دن رکھا گیا ہے۔

21 مئی کو پہلا کوالیفائیر قذافی اسٹیڈیم لاہور میں ہو گا، پہلا ایلی منیٹر 22 مئی کو جبکہ دوسرا کوالیفائیر 23 مئی کو ہو گا۔

ڈبل ہیڈر کا پہلا میچ دوپہر 3 بجے شروع ہو گا جبکہ دوسرا میچ 8 بجے شروع ہو گا اور پی ایس ایل 10 کا فائنل 25 مئی کو کھیلا جائے گا۔

خیال رہے کہ پی ایس ایل کے بقیہ میچز کے ٹکٹس کے بارے میں اعلان بعد میں کیا جائے گا۔