آئی پی ایل کھیلنے والے کرکٹرز کے بارے میں کرکٹ آسٹریلیا کا بیان

رپورٹ: سہیل عمران۔۔۔ آئی پی ایل کھیلنے والے کرکٹرز کے بارے میں کرکٹ آسٹریلیا کا کہنا ہے کہ ہم کرکٹرز کے انفرادی فیصلوں کی حمایت کریں گے۔

کرکٹ آسٹریلیا نے کہا کہ بھارت واپس جانے یا نہ جانے کے کرکٹرز کے فیصلے کو سپورٹ کریں گے اور ہم سیکورٹی انتظامات کے حوالے سے آسٹریلوی حکومت اور بھارتی بورڈ سے رابطے میں ہیں۔

کرکٹ آسٹریلیا کا کہنا ہے کہ بھارت واپس جانے والے کھلاڑیوں کی تیاریوں پر پڑنے والے اثرات کا جائزہ لیں گے جبکہ ٹیم منجمنٹ ورلڈ ٹیسٹ چیمپئین شپ کے فائنل کی تیاریوں کے حوالے سے جائزہ لے گی۔

علم میں رہے کہ آئی پی ایل 17 مئی سے دوبارہ شروع کرنے کا اعلان کیا گیا ہے جبکہ فائنل 3 جون کو ہو گا اور آئی سی سی ورلڈ ٹیسٹ چیمپئین شپ کا فائنل 11 جون سے کھیلا جانا ہے۔

واضح رہے کہ پاکستان اور بھارت کے درمیان جنگ کے باعث 9 مئی کو آئی پی ایل کے معطل ہونے کے بعد آسٹریلوی کرکٹرز وطن واپس چلے گئے تھے۔