اظہر محمود پاکستان ٹیم کے ہیڈ کوچ بننے کے خواہشمند

رپورٹ: سہیل عمران۔۔۔ پاکستان کرکٹ ٹیم کے اسسٹنٹ کوچ اظہر محمود ٹیم کے ہیڈ کوچ بننے کے خواہشمند ہیں۔

ذرائع کے مطابق اظہر محمود ہیڈ کوچ کے لیے درخواست جمع کرائیں گے۔

اظہر محمود ایک سال سے پاکستان ٹیم کے اسسٹنٹ کوچ ہیں اور سابق آل راؤنڈر اظہر محمود کا پی سی بی کے ساتھ دو سال کا معاہدہ ہے۔

ذرائع نے بتایا کہ اظہر محمود اب ہیڈ کوچ بن کر پاکستان ٹیم کے لیے کام کرنا چاہتے ہیں ۔

واضح رہے کہ پاکستان کرکٹ بورڈ نے 4 مئی تک ہیڈ کوچ کے لیے درخواستیں طلب کی ہوئی ہیں۔