لوگ کیا کہتے ہیں میں یہ نہیں سنتا کھیل پر فوکس کرتا ہوں: سلمان علی آغا

رپورٹ: سہیل عمران۔۔۔ اسلام آباد یونائیٹڈ کے آل راونڈر سلمان علی آغا کا کہنا ہے کہ لوگ کیا کہتے ہیں میں یہ نہیں سنتا کھیل پر فوکس کرتا ہوں ہاں لوگوں کی رائے کو عزت دیتا ہوں لیکن مجھے پتہ ہوتا ہے کہ گراونڈ میں کیا کرنا ہے۔

جیو نیوز سے خصوصی گفتگو کرتے ہوئے سلمان علی آغا نے کہا کہ میں وہی رنز کرنے کی کوشش کرتا ہوں جو ٹیم کے کام آئیں اور ٹیم جیتے۔

سلمان علی آغا نے کہا کہ شاداب خان کی کپتانی سب کے سامنے ہے وہ بہت اچھی کپتانی کر رہے ہیں، شاداب خان پی ایس ایل کے ایک بہترین کپتان ہیں اُمید ہے وہ ایسے ہی کپتانی کرتے رہیں گے اور ہم ٹورنامنٹ جیتیں گے۔

بولنا مجھے بھی آتا ہے لیکن بڑوں نے عزت کرنا سکھایا ہے: بابراعظم

بولنا مجھے بھی آتا ہے لیکن بڑوں نے عزت کرنا سکھایا ہے: بابراعظم

اپنی بات کو جاری رکھتے ہوئے سلمان علی آغا نے کہا کہ لاہور میں کھیلے جانے والے میچز میں بھی وہی پلان ہے جس کے مطابق کھیلتے آ رہے ہیں اور ہمارا ہدف یہی ہے کہ جو برانڈ آف کرکٹ ہم کھیل رہے ہیں اسی کو جاری رکھیں۔

انہوں نے کہا کہ ہر میچ نیا میچ ہوتا ہے اس کو اسی کے مطابق کھیلنے کی کوشش کریں گے، اسلام آباد یونائیٹڈ کا ماحول بہت اچھا ہے اور یہی فتوحات میں تسلسل کی وجہ ہے۔

آل راونڈر سلمان علی آغا نے کہا کہ ٹیم گیم کوئی بھی ہو اس میں ماحول کی بہت اہمیت ہوتی ہے اور ہمارا ماحول سینئر جونیئر کا ہی نہیں ہر کوئی ایک دوسرے سے مذاق کر سکتا ہے۔