کون ہوگا پاکستان ٹیم کا نیا کوچ؟ مشاورتی عمل جاری

رپورٹ: سہیل عمران۔۔۔ پاکستان کرکٹ ٹیم کے ہیڈ کوچ کی تقرری اور بنگلہ دیش کے خلاف اسکواڈ کے حوالے سے مشاورتی عمل جاری ہے۔

ذرائع کا بتانا ہے کہ پاکستان کرکٹ ٹیم کے ہیڈ کوچ کے لیے مشاورتی عمل جاری ہے اور پی سی بی ہیڈ کوچ کے لیے درخواستوں کی ڈیڈ لائن ختم ہونے کا منتظر ہے۔

پی سی بی نے 4 مئی تک درخواستیں طلب کر رکھی ہیں اور ذرائع کا بتانا ہے کہ 4 مئی کے بعد قومی ٹیم کے ہیڈ کوچ کی تقرری ہو گی۔

ذرائع کا کہنا ہے کہ ہیڈ کوچ کے لئے مشاورتی عمل میں مائیک ہیسن کی تجویز دی گئی ہے لہٰذا نیوزی لینڈ کے مائیک ہیسن پاکستان ٹیم کے ہیڈ کوچ کے لیے مضبوط اُمیدوار ہیں۔

مائیک ہیسن پاکستان کرکٹ ٹیم کے ہیڈ کوچ کیلئے مضبوط اُمیدوار

مائیک ہیسن پاکستان کرکٹ ٹیم کے ہیڈ کوچ کیلئے مضبوط اُمیدوار

ذرائر کے مطابق ممکنہ طور پر مائیک ہیسن ہی پاکستان کرکٹ ٹیم کے ہیڈ کوچ ہوں گے اور نئے ہیڈ کوچ کو وائٹ بال کرکٹ ٹیم کی ذمہ داری سونپی جائے گی۔

خیال رہے کہ مائیک ہیسن اس وقت اسلام آباد یونائیٹڈ کے ہیڈ کوچ ہیں اور پاکستان ٹیم کی اگلی اسائنمنٹ بنگلہ دیش کے خلاف ٹی ٹوئنٹی سیریز ہے۔

علم میں رہے کہ پانچ ٹی ٹوئنٹی میچز کی سیریز کے دو میچ فیصل آباد اور تین میچز لاہور میں ہوں گے جبکہ بنگلہ دیش ٹیم 21 مئی کو پاکستان پہنچے گی۔

واضح رہے کہ صاحبزادہ فرحان، حسین طلعت ، حسن علی، فہیم اشرف اور علی رضا بنگلہ دیش کے خلاف سیریز میں شامل ہوں گے۔