تیز کھیلوں تو ہتھوڑا کہتے ہیں سلو کھیلیں تو تنقید کرتے ہیں: عثمان خان

پاکستان سپی لیگ (پی ایس ایل) کی ٹیم ملتان سلطانز کے وکٹ کیپر بیٹر عثمان خان کا کہنا ہے کہ میں ہتھوڑا بیٹر نہیں میں بیٹ لے کر جاتا ہوں تاکہ تیز کھیلوں مگر تیز کھیلوں تو ہتھوڑا کہتے ہیں سلو کھیلیں تو تنقید کرتے ہیں۔

میڈیا نمائندوں سے گفتگو کرتے ہوئے عثمان خان نے کہا کہ مجھ پر تنقید ہوتی رہتی ہے پاکستان میں بیس ہزار روپے نہیں چھوڑتا کوئی میں تو اتنا کچھ چھوڑ کر آیا لیکن کوئی یہ نہیں سوچتا۔

عثمان خان کے چہرے پر ہاتھ لگنے سے متعلق عبید شاہ کا بیان

عثمان خان کے چہرے پر ہاتھ لگنے سے متعلق عبید شاہ کا بیان

اپنی بات کو جاری رکھتے ہوئے وکٹ کیپر بیٹر نے کہا کہ اس وقت آخری نمبر پر ہیں جس کی وجہ سے بہت مایوس ہیں آخری نمبر ہیں مگر ابھی چار میچز باقی ہیں ہمیں وہ جیتنے ہیں۔

عثمان خان نے کہا کہ کپتان نے خود کہا کہ ون ڈاون کھیلوں میں اس سے خوش ہوں، ہمارا دیا گیا بڑا ٹارگٹ ٹیمیں پورا کر رہی ہیں جس کی وجہ سے مشکل ہوئی ہے۔

فاسٹ بولر عبید شاہ کا چہرے پر ہاتھ لگنے کے حوالے سے عثمان خان نے کہا کہ میں نے عبید شاہ کو معاف کر دیا تھا اب میں کہتا ہوں کہ تھوڑا ٹھنڈا ہو جاو پھر جشن مناتے ہیں۔