سندھ کے سیکرٹری اسپورٹس نے نیشنل گیمز ملتوی ہونے کا ملبہ محکمہ موسمیات پر ڈال دیا

رپورٹ: عتیق الرحمٰن۔۔۔ سندھ کے سیکرٹری اسپورٹس علیم لاشاری نے نیشنل گیمز ملتوی ہونے کا ملبہ محکمہ موسمیات پر ڈال دیا۔

جیو نیوز سے گفتگو کرتے ہوئے علیم لاشاری نے کہا کہ ہمارا محکمہ موسمیات آخری وقتوں میں الرٹ جاری کرتا ہے حالانکہ دنیا میں موسم کے الرٹ کئی ماہ پہلے جاری ہوتے ہیں۔

اپنی بات کو جاری رکھتے ہوئے سیکرٹری اسپورٹس سندھ علیم لاشاری نے کہا کہ ہمارے محکمہ موسیمات کے پیشگوئی کی صلاحیت محدود ہے، پہلے مئی میں محکمہ موسمیات نے ہیٹ ویو کی ایڈوائیزی نہیں دی تھی۔

نیشنل گیمز ملتوی ہونے پر کھلاڑی شدید مایوس

نیشنل گیمز ملتوی ہونے پر کھلاڑی شدید مایوس

انہوں نے کہا کہ قصوروار کسی کو نہیں کہوں گا لیکن ہمارے اداروں کی پیشگوئی کی صلاحیت محدود ہوتی ہے۔

علیم لاشاری نے کہا کہ نیشنل گیمز کی تیاری مکمل تھی اور سندھ حکومت پہلے فروری میں کرانا چاہتی تھی مگر پاکستان اولمپک ایسوسی ایشن (پی او اے) نے فرورری کے بجائے سندھ کو مئی کی تریخ دیں۔

سیکرٹری اسپورٹس سندھ نے کہا کہ مئی میں گیمز سندھ کو دئے تو میٹنگ میں سندھ حکومت کا کوئی نمائندہ نہیں تھا، سندھ گیمز میں چار سے پانچ سو ملین روپے کے اخراجات آئیں گے۔

انہوں نے کہا کہ نیشنل گیمز کی امید ہے کہ اس سال نومبر دسمبر میں کرائیں جائیں۔