پاکستان کو اذلان شاہ ہاکی کپ میں شامل کیوں نہیں کیا گیا؟

سلطان اذلان شاہ ہاکی کپ کے منتظمین نے سلور میڈلسٹ پاکستان اور دفاعی چیمپئن جاپان کو رواں برس کے ایونٹ میں شامل نہیں کیا ہے۔

البتہ مقابلوں کاشیڈول سامنے آنے کے باوجود پی ایچ ایف کے ایک ذمے دار عہدے دار کا کہنا ہے کہ ٹیم ایونٹ میں شرکت کرے گی۔

سلطان اذلان شاہ کپ: 2024 کی فائنلسٹ پاکستان اس سال نظرانداز

سلطان اذلان شاہ کپ: 2024 کی فائنلسٹ پاکستان اس سال نظرانداز

ذرائع نے حیرت انگیز انکشاف کیا ہے کہ ایک سابق عہدے دار کی وجہ سے پاکستان ہاکی فیڈریشن (پی ایچ ایف) ملائیشین ہاکی فیڈریشن کی مقروض ہے جس کی بناء پر میزبان حکام ناراض ہیں۔

تاہم پی ایچ ایف کے ذمے دار کا کہنا ہے کہ جمعرات تک صورت حال ٹھیک ہوجائے گی۔

رواں برس ایونٹ 22 سے29 نومبر تک ایپوہ میں کھیلا جائےگا جس میں بیلجیم،کینیڈا، جرمنی، بھارت، آئر لینڈ اور ملائیشیا شامل ہیں۔