تمیم اقبال ڈھاکا پریمیئر لیگ میں سینے کے درد کا شکار ہوگئے

سابق ٹیسٹ کرکٹر تمیم اقبال کو ڈھاکا پریمیئر لیگ کے دوران سینے میں تکلیف کی وجہ سے اسپتال لے جانا پڑگیا۔

میڈیا رپورٹس کے مطابق تمیم اقبال ڈھاکا پریمئیر لیگ میں سینے میں درد کا شکار ہو ئے اور انہیں فوری طور پر اسپتال لیجانا پڑگیا۔

تمیم اقبال کو اسپتال پہنچانے کے لیے ہیلی کوپٹر کا بندو بست کیا گیا ، وہ بی کے ایس بی گراونڈ سیور سے جا نہ سکے۔

میچ ریفری نے تصدیق کی ہے کہ تمیم اقبال کو فوری طور پر فضیلت النساء اسپتال لے جایا گیا ہے۔

واضح رہے کہ ڈھاکا پریمئیر لیگ کا میچ محمڈن اور شائنپکار کے درمیان کھیلا جا رہا تھا اور تمیم اقبال کو فیلڈنگ کے دوران سینے میں تکلیف ہوئی ۔