حسن نواز کی شاندار بیٹنگ کی بدولت پاکستان نے تیسرا ٹی 20 جیت لیا

پاکستان ٹیم نے نیوزی لینڈ کی جانب سے 205 رنز کا ٹارگٹ باآسانی عبور کرتے ہوئے 9 وکٹوں سے تیسرا ٹی ٹوئنٹی میچ اپنے نام کرلیا۔

آکلینڈ میں کھیلے گئے میچ میں پاکستان ٹیم کی جانب سے اوپپنگ بیٹر حسن نواز نے انتہائی شاندار بیٹنگ کا مظاہرہ کیا اور 45 گیندوں میں 10 چوکوں اور 7 چھکوں کی مدد سے 105 رنز کے ساتھ ناقابل شکست رہے۔

نیوزی لینڈ کا پاکستان کو جیت کیلئے 205 رنز کا ہدف

نیوزی لینڈ کا پاکستان کو جیت کیلئے 205 رنز کا ہدف

حسن نواز اور وکٹ کیپر بیٹر محمد حارث کے درمیان 35 گیندوں میں 74 رنز کی عمدہ شراکت داری قائم ہوئی ، مگر پھر محمد حارث 20 گیندوں میں 4 چوکوں اور 3 چھکوں کی بدولت 41 رنز کے ساتھ جیکب ڈفی کا شکار بنے اور کپتان سلمان علی آغا 31 گیندوں میں 6 چوکوں اور 2 چھکوں کی مدد سے 51 رنز کے ساتھ ناقابل شکست رہے۔

یوں پاکستان ٹیم نے 205 رنز کا ہدف 16 ویں اوور میں صرف ایک م وکٹ کے نقصان پر  میچ اپنے نام کرتے ہوئے سیریز میں شاندار واپسی کی۔

جیکب ڈفی نے ایک وکٹ حاصل کی ، اور 45 گیندوں میں 105 رنز کے ساتھ ناقابل شکست رہنے والے دائیں ہاتھ کے اوپننگ بیٹر حسن نواز نے کھیل کے بہترین کھلاڑی کا ایوارڈ اپنے نام کیا۔

دونوں ٹیموں کے درمیان چوتھا ٹی ٹوئنٹی میچ اتوار کو ماؤنٹ مانگوئی میں اور آخری میچ 26 مارچ کو ویلنگٹن میں کھیلا جائے گا۔