نیوزی لینڈ کا پاکستان کو جیت کیلئے 205 رنز کا ہدف

پاکستان اور نیوزی لینڈ کے درمیان آکلینڈ میں جاری تیسرے ٹی ٹوئنٹی میچ میں کیویز نے پاکستان کو جیت کے لیے 205 رنز کا ہدف دے دیا۔

تفصیلات کے مطابق پاکستان نے ٹاس جیت کر پہلے بولنگ کرنے کا فیصلہ کیا تو پہلے ہی اوور میں شاہین آفریدی نے فن الین کو صفر پر آؤٹ کیا۔

فن الین کے بعد پانچویں اوور میں حارث رؤف نے ٹم سیفرٹ کو 19 رنز پر چلتا کیا ، میزبان ٹیم کو تیسرا نقصان ڈیرل مچل کا ہوا جو 98 کے مجموعی اسکور پر 17 رنز بنا کر شاداب خان کی گیند پر حارث رؤف کے ہاتھوں کیچ آؤٹ ہوئے۔

نیوزی لینڈ ٹیم کو اگلا نقصان 12 ویں اوور میں ہوا جب ٹیم کا اسکور 135 تھا اور جیمس نیشم 3 رنز بنا کر پویلین لوٹے، ان کے بعد پاکستان ٹیم پر لاٹھی چارج کرنے والے مارک چیمپمن آؤٹ ہوئے جو صرف 44 گیندوں میں 94 رنز بنا سکے، مارک چیمپمن نے گراؤنڈ کے چاروں طرف 11 چوکے اور 4 چھکے لگائے۔

وکٹ کیپر بیٹر مچل ہیے 9،اور کائل جیمز بغیر کوئی رن بنائے آؤٹ ہوئے، کپتان مائکل بریسول 31 رنز بنا کر حارث رؤف کی اندر آتی تیز گیند کو سمجھنے سے قاصر رہے اور 31 رنز بنا کر بولڈ ہوگئے۔

پاکستان کا نیوزی لینڈ کیخلاف ٹاس جیت کر بولنگ کرنے کا فیصلہ

پاکستان کا نیوزی لینڈ کیخلاف ٹاس جیت کر بولنگ کرنے کا فیصلہ

کپتان مائکل بریسول کے بعد اش سودھی بھی حارث رؤف کا شکار بنے جو صرف 10 رنز بنا کر وکٹ کیپر محمد حارث کے ہاتھوں کیچ آؤٹ ہوئے، جیکب ڈفی 2 رنز بنا سکے اور بین سیرس 7 رنز کے ساتھ ناٹ آؤٹ رہے اور یوں تیسرے ٹی ٹوئنٹی میں نیوزی لینڈ نے 19.5 اوور میں  204 رنز بنائے۔

پاکستان کی جانب سے عباس آفریدی، شاہین آفریدی اور ابرار احمد نے دو، دو وکٹ حاصل کی جبکہ حارث رؤف نے3شکار کئے ان کے علاوہ شاداب خان نے ایک وکٹ اپنے نام کی۔