ایک اور ٹاپ کرکٹر چیمپئنز ٹرافی سے آوٹ ہوگئے

آئی سی سی چیمپئنز ٹرافی سے قبل ایک اور ٹاپ کرکٹر آوٹ ہوگئے۔

نیوزی لینڈ کے فاسٹ بولر لوکی فرگوسن آئی سی سی چیمپئنز ٹرافی سے باہر ہوگئے۔

تفصیلات کے مطابق لوکی فرگوسن کو وارم اپ میچ کے دوران پیر میں تکلیف ہوئی تھی۔

اس بارے میں نیوزی لینڈ کرکٹ بورڈ کا بتانا ہے کہ میڈیکل پینل نے طے کیا ہے کہ فرگوسن چیمپئنز ٹرافی کے لیے فٹ نہیں ہوپائیں گے۔

اب اس صورتحال کے بعد نیوزی لینڈ کے اسکواڈ میں فرگوسن کی جگہ کائل جیمیسن کو شامل کرلیا گیا ہے۔

خیال رہے کہ آئی سی سی چیمپئنز ٹرافی 2025 پاکستان میں شیڈول ہے اور ایونٹ کا پہلا میچ کراچی میں پاکستان اور نیوزی لینڈ کے درمیان 19 فروری کو کھیلا جائے گا۔