چیمپئنز ٹرافی: پاک بھارت میچ کے ٹکٹس بلیک ہونے لگے، قیمت 13سے 15لاکھ

آئی سی سی چیمپئنز ٹرافی کا آغاز 19 فروری سے پاکستان اور نیوزی لینڈ کے میچ سے ہورہا ہے لیکن اس ٹورنامنٹ کا سب سے بڑا میچ پاکستان اوربھارت کے درمیان 23 فروری کو کھیلا جانا ہے۔

اس میچ کے تمام ٹکٹ ایک لمحے میں فروخت ہو گئے لیکن بھارتی میڈیا کے مطابق ٹکٹوں کی بلیک مارکیٹنگ کی جا رہی ہے اور قیمت آسمان پر پہنچ چکی ہے۔

رپورٹ کے مطابق پاک بھارت میچ کے دبئی کے گرینڈ لاؤنج کے ٹکٹ کی قیمت 4 لاکھ 29 ہزار بھارتی روپے ہے جو پاکستانی کرنسی میں 13 سے 15 لاکھ روپے بنتے ہیں۔