کپتان نجم الحسین شنٹو چیمپئنز ٹرافی میں حیران کرنے کیلئے پر اُمید

رپورٹ: سہیل عمران۔۔۔ آئی سی سی چیمپئنز ٹرافی کے دوران بنگلہ دیش کرکٹ ٹیم کے کپتان نجم الحسین شنٹو سب کو حیران کرنے کے لیے پر اُمید ہیں۔

نجم الحسین شنٹو کا کہنا ہے کہ ہم چیمپئین بننے کے لیے چیمپئیز ٹرافی میں شرکت کر رہے ہیں اور میرا یقین ہے کہ ہماری ٹیم میں چیمپئین بننے کی صلاحیت ہے۔

انہوں نے کہا کہ ہر کھلاڑی چیمپئین بننا چاہتا ہے انہیں اپنی صلاحیتیوں پر یقین ہے، ہمیں نہیں پتہ اللہ نے ہماری قسمت میں کیا لکھا ہے لیکن ہم محنت کر رہے ہیں۔

چیمپئنز ٹرافی: وارم اپ میچز کیلئے پاکستان شاہینز کے اسکواڈ کا اعلان

چیمپئنز ٹرافی: وارم اپ میچز کیلئے پاکستان شاہینز کے اسکواڈ کا اعلان

اپنی بات کو جاری رکھتے ہوئے بنگلہ دیشی ٹیم کے کپتان نے کہا کہ اس ٹورنامنٹ میں تمام 8 ٹیمیں چیمپئین بننے کا حق رکھتی ہیں۔

علم میں رہے کہ بنگلہ دیش کرکٹ ٹیم پاکستان، بھارت اور نیوزی لینڈ کے ساتھ گروپ اے میں شامل ہے۔

بنگلہ دیش ٹیم پہلا میچ 20 فروری کو بھارت کے خلاف دبئی میں کھیلے گی پھر راولپنڈی کرکٹ گراؤنڈ میں 24 فروری کو نیوزی لینڈ اور 27 فروری کو پاکستان کے خلاف میچز شیڈول ہیں۔