جب اللہ کی طرف سے مدد ہوتی ہے تو ریکارڈ بنتا ہے، محمد رضوان

پاکستان کرکٹ ٹیم کے کپتان محمد رضوان نے کہا ہے کہ جب اللہ کی طرف سے مدد ہوتی ہے تو رکارڈ بنتا ہے۔

کراچی میں جنوبی افریقہ کے خلاف تاریخی فتح کے بعد پریس کانفرنس کرتے ہوئے قومی ٹیم کے کپتان کا کہنا تھا کہ بابر اور فخر نے اچھا آغاز کیا مگر وکٹیں گریں تو ہمیں پلان کرنا پڑا۔

محمد رضوان نے کہا کہ میں 18ویں اوور تک اسکرین دیکھ ہی نہیں رہا تھا، پانچ پانچ اوور کا پلان لے کر چلے تھے جس میں کامیابی ملی۔

سلمان علی اور محمد رضوان نے تاریخ رقم کردی

سلمان علی اور محمد رضوان نے تاریخ رقم کردی

ان کا کہنا تھا کہ میری بھی قوم کی طرح ہمیشہ بابر سے توقع ہوتی ہے وہ بڑا اسکور کرے، بابراعظم پر بھی اس بات کا پریشر ہوتا کہ وہ رنز بنائے، اُمید ہے بابر اعظم جلد بڑا اسکور کریں گے۔

قومی ٹیم کے کپتان نے کہا کہ عدم تسلسل تو ہمارے کلچر کا حصہ ہے، ہمیں کل کا کچھ پتہ نہیں ہوتا۔ ہم زمبابوے کے خلاف بھی ویسا کھیلتے ہیں جیسا آسٹریلیا سے کھیلتے ہیں۔

انہوں نے یہ بھی کہا کہ صائم ایوب کا نہ ہونا ہمارا بہت بڑا نقصان ہے، اس کے نہ ہونے سے فرق پڑا ہے۔

بابر کے اوپننگ پوزیشن کے حوالے سے بات کرتے ہوئے رضوان کا کہنا تھا کہ بابر اعظم ایسا پلیئر ہے کہ وہ سب سے سلجھا ہوا بیٹر ہے اس لیے اسکو اوپنر بھیجا۔