ایشین روڈ سائیکلنگ چیمپین شپ میں پاکستان کے مزید دو میڈلز

رپورٹ: فیضان لاکھانی۔۔۔ تھائی لینڈ میں جاری ایشین روڈ سائیکلنگ چیمپئن شپ میں پاکستان نے مزید دو میڈلز جیت لیے۔

پاکستان کی جانب سے رابعہ غریب اور زینب رضوان نے ویمن ماسٹرز کے روڈ ریس مقابلوں میں میڈلز اپنے نام کئے۔

رابعہ غریب نے 50+ ایج گروپ کی کیٹیگری میں 42 عشاریہ 8 کلو میٹر کی ریس 1 گھنٹہ 18 منٹ 21 سیکنڈز میں مکمل کی۔

رابعہ غریب اپنی ایج کیٹیگری میں واحد سائیکلسٹ تھیں اور ریس مکمل کرنے پر گولڈ میڈل کی حقدار بنیں۔

ایشین روڈ سائیکلنگ چیمپئن شپ میں خواتین کی 40 سے 44 ایک گروپ کی کیٹیگری میں زینب رضوان نے برانز میڈل جیتا۔