اسپنر میتھو کوہنیمن کا بولنگ ایکشن مشکوک قرار

رپورٹ: سہیل عمران۔۔۔ آسٹریلیا کے اسپنر میتھو کوہنیمن کا بولنگ ایکشن مشکوک قرار دے دیا گیا ہے اور کرکٹ آسٹریلیا نے بولنگ ایکشن مشکوک قرار دیے جانے کی تصدیق بھی کر دی ہے۔

واضح رہے کہ بائیں ہاتھ سے بولنگ کرنے والے میتھیو کوہنیمن نے آسٹریلیا کو سری لنکا کے خلاف ٹیسٹ سیریز میں فتح دلانے میں اہم کردار ادا کیا تھا۔

میتھیو کوہنیمن نے آسٹریلیا کی جانب سے سیریز میں سب سے16 زیادہ وکٹیں حاصل کی تھی۔

بولنگ ایکشن کو گال میں ہونے والے دوسرے ٹیسٹ میچ میں مشکوک قرار دیا گیا اور میچ آفیشلز نے بائیں ہاتھ کے اسپنر کے ایکشن کو مشکوک اور غیر قانونی قرار دیا ہے۔

کرکٹ آسٹریلیا کا کہنا ہے کہ میتھیو کوہنیمن کے بولنگ ایکشن کا اب باضابطہ تجزیہ کرایا جائے گا۔

کرکٹ آسٹریلیا کے مطابق میتھیو کوہنیمن کے بولنگ ایکشن کا تجزیہ رپورٹ ہونے کے 14 روز کے اندر کرایا جائے گا۔

خیال رہے کہ اسپنر میتھیو کوہنیمن ڈومیسٹک کرکٹ میں بولنگ کرسکتے ہیں مگر وہ انٹر نیشنل لیول پر بولنگ نہیں کرا سکتے۔