ٹرمپ نے ٹرانسجینڈر ایتھلیٹ کو خواتین کے کھیلوں میں شرکت سے روک دیا

امریکا کے صدر ڈونلڈ ٹرمپ نے ٹرانسجینڈر ایتھلیٹس کو خواتین کے کھیلوں کے مقابلوں میں حصہ لینے سے روک دیا۔

غیر ملکی میڈیا کے مطابق امریکی صدر ڈونلڈ ٹرمپ نے اس حوالے سے ایگزیکٹیو آرڈر پر دستخط کر دیے ہیں۔

ڈونلڈ ٹرمپ نے اس ایگزیکٹیو آرڈر پر 5 فروری کو وائٹ ہاؤس میں دستخط کیے اور اب اس حکم کے بعد ٹرانسجینڈر ایتھلیٹ خواتین کے اسپورٹس میں شرکت نہیں کر سکیں گے۔

امریکی صدر ڈونلڈ ٹرمپ نے کہا ہے کہ ان کی انتظامیہ مردوں کو خواتین کھلاڑیوں کو مارتے ہوئے نہیں دیکھے گی، خواتین کھلاڑیوں کے حقوق کی جاری جنگ آج ختم ہوگئی۔

اس حکم نامے کے بعد وفاقی حکومت کی جانب سے ٹرانسجینڈر ایتھلیٹس کو خواتین کے کھیلوں میں حصہ لینے اور خواتین کے لاکر رومز استعمال کرنے کی اجازت دینے والے تعلیمی اداروں کو فنڈز نہیں دیا جائے گا۔