دوسرے ٹیسٹ میچ کیلئے قومی ٹیم میں ایک تبدیلی کا امکان

پاکستان اور ویسٹ انڈیز کے درمیان کل سے ملتان میں شروع میں ہونے والے دوسرے ٹیسٹ میچ کے لیے پاکستان ٹیم میں ایک تبدیلی کا امکان ہے۔

ذرائع کے مطابق ملتان ٹیسٹ اسکواڈ میں امام الحق کی شمولیت کا امکان ہے کیونکہ  سلیکشن کمیٹی اور ٹیم مینجمنٹ ملتان میں اضافی بیٹر کو کھلا نا چاہتی ہے۔

خیال رہے کہ اگر امام الحق ٹیم میں شامل ہوئے تو محمد ہریرہ کے ساتھ وہ اننگز کا آغاز کریں گے۔

ذرائع کے مطابق امام الحق کی ٹیم میں شمولیت پر فاسٹ بولر خرم شہزاد کو ڈراپ کردیا جائے گا۔

واضح رہے کہ دونوں ٹیموں کے درمیان 2 ٹیسٹ میچز کی سیریز کا پہلا میچ پاکستان نے کھیل کے تیسرے دن ہی 127 رنز سے اپنے نام کرلیا تھا۔