قذافی اسٹیڈیم کی اپگریڈیشن میں شامل مزدوروں کو ظہرانہ دینے کا اعلان

رپورٹ: سہیل عمران۔۔۔ پاکستان کرکٹ بورڈ (پی سی بی) کے چیئرمین محسن نقوی نے آئی سی سی چیمپئنز ٹرافی کے لیے قذافی اسٹیڈیم کو اپ گریڈ کرنے والے مزدوروں کو ظہرانہ دینے کا اعلان کیا ہے۔

ذرائع کا بتانا ہے کہ قذافی اسٹیڈیم کی کنسٹرکشن کے دوران کام کرنے والوں کو محسن نقوی کی جانب سے 7 فروری کو ظہرانہ دیا جائے گا۔

ذرائع کے مطابق چیئرمین محسن نقوی دن رات ایک کر کے کام کرنے والوں کا شکریہ ادا کریں گے۔

قذافی اسٹیڈیم کی نئی ویڈیو دیکھنے کے لیے یہاں کلک کریں

ذرائع کا یہ بھی کہنا ہے کہ مزدوروں کو قذافی اسٹیڈیم میں ہونے والا پہلا میچ دیکھنے کی دعوت بھی دی جائے گی۔

واضح رہے کہ قذافی اسٹیڈیم کی اپ گریڈیشن فنشنگ کے آخری مرحلے میں پہنچ چکی ہے۔

علم میں رہے کہ قذافی اسٹیڈیم میں سہہ فریقی سیریز کے دو میچز کھیلے جائیں گے اور پھر چیمپئنز ٹرافی کا بھی پہلا میچ 22 فروری کو قذافی اسٹیڈیم میں کھیلا جائے گا۔