اعلان کے باوجود اسپورٹس بورڈ پنجاب کے ملازمین تاحال تنخواہوں سے محروم

رپورٹ: سہیل عمران۔۔۔ اسپورٹس بورڈ پنجاب کے ملازمین کی دو ماہ کی تنخواہیں تاحال ادا نہیں  کی جاسکیں ہیں۔

دو ہفتے قبل میڈیا نے تنخواہوں کی عدم ادائیگی کا معاملہ اٹھایا تھا کہ ملازمین کی نومبر اور دسمبر کی تنخواہ واجب الادا ہیں۔

اس بارے میں ذرائع کا بتانا ہے کہ اسپورٹس بورڈ پنجاب کے ملازمین کی تنخواہیں تاحال ادا نہ کی جاسکیں ہیں۔

فائل میز پر ہے ملازمین کو تنخواہیں جلد مل جائیں گی: ڈی جی پنجاب اسپورٹس بورڈ

فائل میز پر ہے ملازمین کو تنخواہیں جلد مل جائیں گی: ڈی جی پنجاب اسپورٹس بورڈ

واضح رہے کہ اسپورٹس بورڈ پنجاب کے ڈی جی خضر افضا ل نے فوری طور پر تنخواہیں کلیئر کرنے کے یقین دہانی کرائی تھی۔

ذرائع کا بتانا ہے کہ اسپورٹس بورڈ پنجاب کے ملازمین تنخواہوں کی عدم ادائیگی کی وجہ سے شدید مشکلات سے دوچار ہیں۔

خیال رہے کہ ڈائریکٹوریٹ جنرل اسپورٹس کے ملازمین کی دو ماہ تنخواہ ادا کردی گئی تھی۔