January 18, 2025 | 02:54 pm

چیمپئنز ٹرافی کیلئے بھارتی ٹیم کے ابتدائی اسکواڈ کا اعلان

آئی سی سی چیمپئنز ٹرافی کے لیے بھارتی ٹیم نے ابتدائی اسکواڈ کا اعلان کردیا ہے۔

میگا ایونٹ میں روہت شرما کی قیادت میں شبمن گل نائب کپتانی کریں گے جبکہ ویرات کوہلی، سریائش لیئر، کے ایل راہول، ہارڈک پانڈیا اور اکثر پٹیل ٹیم کا حصہ ہیں۔

ان کے علاوہ دیگر کھلاڑیوں میں واشنگٹن سندر، کلدیپ یادو، جسپرت بمرا، محمد شامی اور ارشدپ سنگھ بھی شامل ہیں۔

جبکہ یشوی جیسوال، رشب پنتھ اور روندرا جڈیجا بھی چیمپئنز ٹرافی کے ابتدائی اسکواڈ میں شامل ہیں۔

خیال رہے کہ تمام ٹیمیں 11فروری تک اپنے اسکواڈز میں آئی سی سی کی منظوری کے بغیر تبدیلی کرسکتی ہیں مگر 12 فروری سے ٹیموں میں ردوبدل کے لیے آئی سی سی ٹیکنیکل کمیٹی کی منظوری لینا لازمی ہو گی۔