January 18, 2025 | 08:21 am

دوسرا دن: پاکستان ٹیم آج 143 رنز سے اننگز آگے بڑھائے گی

پاکستان اور ویسٹ انڈیز کے درمیان ملتان ٹیسٹ میں آج دوسرے دن کا آغاز ہوگا جہاں پاکستان ٹیم 4 وکٹ گنوانے کے بعد 143 رنز سے اننگز آگے بڑھائے گی۔

یہاں یہ بات قابل ذکر ہے کہ پہلے دن کے کھیل میں پاکستان کے ٹاپ آرڈر بری طرح ناکام ہوگئے اور 46 کے مجموعی اسکور پر 4 کھلاڑی آؤٹ ہوچکے تھے۔

پاکستان کی جانب سے دن کی پہلی وکٹ 16 کے مجموعی اسکور پر ڈیبیو کرنے والے نوجوان اوپننگ بیٹر محمد ہریرہ کی گری جو صرف 6 رنز بنا کر آؤٹ ہوگئے پھر ان کے بعد کپتان شان مسعود 20 کے مجموعی اسکور پر 11 رنز کر چلتے بنے۔

پاکستان ٹیم کو تیسرا نقصان کامران غلام کی صورت میں اٹھانا پرا جو 31 کے مجموعی اسکور صرف 5 رنز بنا کر آؤٹ ہوگئے اور پھر قومی ٹیم کا اگلا نقصان بابراعظم کا ہوا جو 46 کے مجموعی اسکور پر 8 رنز بنا کر ڈریسنگ روم کی جانب لوٹے۔

ایسے میں وکٹ کیپر بیٹر محمد رضوان اور سعود شکیل سے ٹیم کو سہارا دیا اور یوں ان کے درمیان اب تک 97 رنز کی رنز کی شراکت داری قائم ہوچکی ہے اور یہ دونوں کھلاڑیوں بالترتیب 51 اور 56 رنز کے ساتھ وکٹ پر موجود ہیں۔

مہمان ٹیم ویسٹ اندیز کی جانب سے اب تک فاسٹ بولر جیڈن سیلز نے تین اور گڈا کیش نے ایک وکٹ حاصل کررکھی ہے۔