چیمپئنز ٹرافی سے قبل بنگلادیش کرکٹ ٹیم کے اسسٹنٹ کوچ مستعفی

آئی سی سی چیمپئنز ٹرافی سے قبل بنگلادیش کرکٹ ٹیم کے اسسٹنٹ کوچ نک پوٹاس مستعفی ہوگئے۔

اس بارے میں بنگلادیش کرکٹ بورڈ کے سربراہ نے کہا ہے کہ نک پوٹاس کا کانٹریکٹ 2026ء تک تھا مگر  انہوں نے ذاتی وجوہات کی بنا پر مستعفی ہونے کا فیصلہ کیا۔

اس حوالے سے نک پوٹاس نے کہا ہے کہ بنگلادیش کرکٹ بورڈ کے ساتھ اچھا وقت گزرا، اس سفر میں ہم نے کئی ریکارڈز توڑے، تاریخ رقم کی اور کئی یادگار لمحات بنائے۔

نک پوٹاس نے کہا ہے کہ اب تھوڑا گھر پر وقت گزارنے کا ٹائم ہے اور دیکھتے ہیں کہ اگلا چیپٹر کیا ہوگا۔