عماد وسیم نے انٹر نیشنل کرکٹ سے ریٹائرمنٹ کا اعلان کردیا

قومی کرکٹر عماد وسیم نے انٹر نیشنل کرکٹ سے ریٹائرمنٹ کا اعلان کردیا۔

کرکٹر عماد وسیم نے سوشل میڈیا پر اپنی ریٹائرمنٹ کا اعلان کیا اور کہا کہ بڑی سوچ بچار کے بعد انٹرنیشنل کرکٹ سے ریٹائرمنٹ کا فیصلہ کیا ہے۔

عماد وسیم نے کہا کہ پاکستان کی نمائندگی کرنا میری زندگی کا بہت بڑا اعزاز ہے، میں ڈومیسٹک اور فرنچائز کرکٹ میں اپنا سفر جاری رکھوں گا۔

یاد رہے کہ عماد وسیم نے ٹی ٹوئنٹی ورلڈ کپ 2024 سے قبل اپنی ریٹائرمنٹ واپس لی تھی۔

آلرؤنڈر عماد وسیم نے پاکستان کی جانب سے 55 ون ڈے انٹرنیشنلز میں ملک کی نمائندگی کی ہےاور 75 ٹی ٹوئنٹی انٹرنیشنلز بھی کھیل چکے ہیں۔