بھارت کیخلاف تیسرے ٹیسٹ میں آسٹریلیا کی پلیئنگ الیون میں تبدیلی

بارڈر گواسکر ٹرافی کا تیسرا ٹیسٹ کل سے برسبین میں کھیلا جائے گا جس کے لیے آسٹریلیا نے اپنے پلیئنگ الیون میں ایک تبدیلی کی ہے۔

بھارت کے خلاف کل سے شروع ہونے والے ٹیسٹ میچ میں فاسٹ بولر جوش ہیزل ووڈ کی واپسی ہوئی ہے ، وہ اسکاٹ بولینڈ کی جگہ لیں گے۔

یاد رہے کہ جوش ہیزل ووڈ فٹنس مسائل کے باعث ایڈیلیڈ ٹیسٹ نہیں کھیل سکے تھے۔

کپتان پیٹ کمنز نے جوش ہیزل ووڈ کی پلئینگ الیون میں شمولیت کا اعلان کرتے ہوئے کہا کہ اسکاٹ بولینڈ بدقسمتی سے جگہ برقرار نہیں رکھ سکے۔

پیٹ کمنز نے کہا کہ یہ ایک مشکل فیصلہ تھا ، سکاٹ بولینڈ نے ایڈیلیڈ میں اچھی بولنگ کی تھی۔

علم میں رہے کہ آسٹریلیا اور بھارت کے درمیان تیسرا ٹیسٹ میچ کل سے شروع ہو گا اور پانچ ٹیسٹ میچز کی سیریز ایک ایک سے برابر ہے۔