ریڈبال کوچ جیسن گلیسپی مستعفیٰ، عاقب جاوید عبوری ہیڈکوچ مقرر

رپورٹ: سہیل عمران ۔۔۔پاکستان مینز کرکٹ ٹیم کے کے ریڈ بال کوچ جیسن گلیسپی نے اپنے عہدے سے استعفیٰ دے دیا۔

پاکستان کرکٹ بورڈ (پی سی بی) نے ریڈ بال کے ہیڈ کوچ جیسن گلیسپی کے استعفے کے بعد عاقب جاوید کو پاکستان کرکٹ ٹیم کا عبوری ریڈ بال ہیڈ کوچ مقرر کردیا۔

پی سی بی کے مطابق ریڈ بال کے ہیڈ کوچ کے طور پر عاقب کی پہلی اسائنمنٹ جنوبی افریقہ کے خلاف جاری آل فارمیٹ ٹور کے دوران دو میچوں کی ٹیسٹ سیریز ہوگی۔

دونوں ٹیموں کے درمیان پہلا ٹیسٹ 26 سے 30 دسمبر تک سنچورین کے سپر اسپورٹ پارک میں کھیلا جائے گا۔

ہیڈ کوچ جیسن گلیسپی نے جنوبی افریقہ جانے سے انکار کردیا

ہیڈ کوچ جیسن گلیسپی نے جنوبی افریقہ جانے سے انکار کردیا

دوسرا ٹیسٹ 3 سے 7 جنوری تک کیپ ٹاؤن کے نیو لینڈز کرکٹ گراؤنڈ میں کھیلا جائے گا۔

پاکستان ٹیم اس وقت جنوبی افریقہ میں تین میچوں کی ٹی ٹوئنٹی سیریز کھیل رہی ہے جس کے بعد تین ون ڈے میچوں کی سیریز کھیلی جائے گی۔

علم میں رہے کہ پاکستان مینز کرکٹ ٹیم کے ہیڈ کوچ جیسن گلیسپی نے جنوبی افریقہ جانے سے انکار کردیا تھا۔ جیسن گلیسپی نے ٹم نیلسن کے معاہدے میں توسیع نہ ہونے پر جنوبی افریقہ نہ جانے کا فیصلہ کیا۔

ذرائع کے مطابق انہوں نے ذاتی وجوہات کی بنا پر جنوبی افریقہ نہ جانے کا بورڈ کو بتایا ہے۔

خیال رہے کہ جیسن گلیسپی کو کل جنوبی افریقہ پہنچنا تھا، جہاں انہیں جنوبی افریقہ میں پری ٹیسٹ کیمپ کی نگرانی کرنا تھی۔