چیمپئنز ٹرافی کے معاملے پربھارتی میڈیا کا نیا دعویٰ سامنے آگیا

آئی سی سی چیمپئنزٹرافی کے معاملے پربھارتی میڈیا کا نیا دعویٰ سامنے آگیا ہے۔

بھارتی میڈیا کا کہنا ہے کہ بی سی سی آئی فیوژن فارمولے پرکھیلنے کے لئے تو راضی ہوگیا ہے مگر ساتھ یہ بات بھی رکھ دی کہ بھارت میں ہونے والے آئی سی سی کے میچز پاکستان بھی نیوٹرل وینیو پر کھیلے لیکن وہ سیمی فائنل یا فائنل میں پہنچے تو اسے بھارت آکر کھیلنا ہوگا۔

دوسری جانب ذرائع پی سی بی کا کہنا ہے کہ بھارتی میڈیا پر چلنے والے والی خبریں تبصرے کے قابل نہیں۔

پی سی بی ذرائع کے مطابق فیوژن ماڈل کے تحت پاک بھارت آئی سی سی میچ نیوٹرل وینیو پر ہی ہوں گے اور اصولی مؤقف پر کوئی سمجھوتہ نہیں ہوگا۔

واضح رہے کہ آئی سی سی چیمپئینز ٹرافی کے گھمبیر اور تعطل شدہ معاملات کو چھوڑ کر آئی سی سی کے چیئرمین جے شاہ برسبین پہنچ گئے ہیں۔

جے شاہ ممکنہ طور پر اولمپکس کی میٹنگ میں شرکت کریں گے جبکہ وہ آسٹریلیا اور بھارت کے درمیان تیسرا ٹیسٹ میچ بھی دیکھیں گے۔