کیا پی سی بی نے جیسن گلیسپی سے راہیں جدا کرنے کا ارادہ کر لیا ہے؟

رپورٹ: سہیل عمران۔۔۔ پاکستان ریڈ بال ٹیم کے کوچ جیسن گلیسپی کا پاکستان ٹیسٹ ٹیم کے ساتھ مستقبل خدشات کا شکار ہے۔

ایک کرکٹ ویب سائٹ کا دعویٰ ہے کہ پی سی بی کا جیسن گلیسپی پر اعتماد نہیں رہا ہے۔

علم میں رہے کہ پی سی بی نے جنوبی افریقہ کے خلاف ٹیسٹ سیریز کے لیے جیسن گلیسپی کے ہیڈ کوچ کا اعلان کیا تھا۔

اس کے علاوہ پی سی بی نے ہائی پرفارمنس ریڈ بال کوچ ٹم نیلسن کے معاہدے میں توسیع نہیں کی، ٹم نیلسن کو ریڈ بال ہیڈ کوچ جیسن گلیسپی اپنے ساتھ لائے تھے۔

جنوبی افریقہ کے خلاف ٹیسٹ سیریز کے لیے ٹم نیلسن کے معاہدے میں توسیع نہیں ہو ئی، ٹم نیلسن کی اگست میں ٹیسٹ ٹیم کے ساتھ تقرری ہو ئی تھی۔

ٹم نیلسن نے کرکٹ ویب سائٹ سے گفتگو کرتے ہوئے کہا کہ میں توسیع کے حوالے سے انتظار کر رہا تھا مگر پی سی بی نے بتایا ہے کہ ان کی خدمات درکار نہیں ہیں۔

ٹم نیلسن نے یہ بھی کہا کہ ہم اچھے انداز سے آگے بڑھ رہے تھے ، ساوتھ افریقہ اور ویسٹ انڈیز کے خلاف سیریز کے لیے تیار تھے۔پی سی بی نے ہیڈ کوچ جیسن گلیسپی کو بھی اس حوالے سے نہیں بتایا ہے۔