حارث رؤف آئی سی سی پلیئر آف دی منتھ قرار

انٹرنیشنل کرکٹ کونسل (آئی سی سی) نے پلیئر آف دی منتھ کا اعلان کردیا ہے جس کے مطابق پاکستان کے فاسٹ بولر حارث رؤف نے  پلیئر آف دی منتھ کا ایوارڈ اپنے نام کیا ہے۔

حارث رؤف کو نومبر کی کارکردگی کی بنیاد پر پلیئر آف دی منتھ قرار دیا گیا ہے۔ حارث رؤف نے آسٹریلیا کے خلاف تین ون ڈے میچز میں 10 وکٹیں حاصل کیں تھی۔

حارث روف نے نومبر میں مجموعی طور پر 18 وکٹیں حاصل کیں۔ آئی سی سی پلیئر آف دی منتھ کے لیے بھارت کے جسپریت بمرا اور جنوبی افریقہ کے مارکو ینیسن کی بھی نامزدگی ہوئی تھی۔

واضح رہے کہ پاکستان نے 22 برسوں کے بعد ون ڈے سیریز جیتی تھی۔