کیا جوش ہیزل ووڈ تیسرے ٹیسٹ میچ میں ٹیم کو دستیاب ہوں گے؟

فاسٹ بولر جوش ہیزل ووڈ کے بھارت کے خلاف تیسرا ٹیسٹ میچ کھیلنے کا فیصلہ اگلے 24 گھنٹے میں ہوگا۔

واضح رہے کہ بورڈر گواسکر ٹرافی کے دوسرے ٹیسٹ میچ سے قبل انجری کا سامنا کرنے والے جوش ہیزل ووڈ نے ایڈیلیڈ میں بھرپو بولنگ پریکٹس کی ہے۔

بھارت کے خلاف دوسرے ٹیسٹ میچ میں جوش ہیزل ووڈ کی جگہ اسکاٹ بولینڈ کو اسکواڈ میں شامل کیا گیا تھا، اسکاٹ بولینڈ نے ایڈیلیڈ ٹیسٹ میچ میں 105 رنز دے کر 5 وکٹیں حاصل کی تھی۔

اس بارے میں جوش ہیزل ووڈ نے کہا کہ میں کیسا محسوس کرتا ہوں اور کتنی بولنگ کر سکتا ہوں اگلے 24 گھنٹے میں واضح ہو جائے گا۔

جوش ہیزل ووڈ نے یہ بھی کہا کہ پہلے سے خاصا بہتر محسوس ہو رہا ہے ، بولنگ کے اثرات کیا سامنے آتے یہ دیکھنا ہو گا۔ آسٹریلیا اور بھارت کی ٹیموں کے درمیان تیسرا ٹیسٹ ہفتے سے شروع ہو گا۔