نعمان علی آئی سی سی پلیئر آف دی منتھ قرار

پاکستان کے اسپنر نعمان علی کو اکتوبر کا آئی سی سی پلیئر آف دی منتھ قرار دے دیا گیا۔

واضح رہے کہ نعمان علی نے انگلینڈ کے خلاف ٹیسٹ سیریز کی جیت میں اہم کردار ادا کیا تھا۔

نعمان علی نے سیریز میں 13.85 کی اوسط سے 20 وکٹیں لی تھیں۔

اس بارے میں نعمان علی کا کہنا ہے کہ آئی سی سی پلیئر آف دی منتھ کا کا ایوارڈ ایک اعزاز ہے۔

انہوں نے کہا کہ تاریخی پرفارمنس کے لیے سپورٹ کرنے پر ٹیم کے ساتھیوں کا بھی شکریہ ادا کرتا ہوں۔

علم میں رہے کہ آئی سی سی نے اکتوبر کے پلیئر آف دی منتھ کے ایوارڈ کے لیے نعمان علی، کاگیسو ربادا اور مچل سینٹنر کو نامزد کیا تھا۔