نیشنل اسٹیڈیم کراچی، بڑی الیکٹرونک اسکرین ہٹانے کا کام شروع

نیشنل اسٹیڈیم کراچی سے بڑی الیکٹرونک اسکرین کو ہٹانے کا کام شروع کردیا گیا۔

انتخاب عالم انکلوژر کا ویو بلاک کرنے والی بڑی اسکرین کو ہٹایا جارہا ہے، اسکرین کے ایل ای ڈی پینلز کو علیحدہ کرکے اسے اتارا جارہا ہے۔

وقار حسن انکلوژر کے سامنے موجود چھوٹی اسکرین کا اسٹرکچر بھی ہٹادیا گیا ہے۔

ذرائع کے مطابق چیئرمین پاکستان کرکٹ بورڈ (پی سی بی) محسن نقوی نے اسکرین کی جگہ تبدیل کرنے کی ہدایت کی تھی۔

بڑی اسکرین کی وجہ سے انتخاب عالم انکلوژر میں 1500 افراد کی گنجائش متاثر ہو رہی تھی، جسے اب مڈ وکٹ کی جانب اونچے مقام پر لگایا جائے گا۔

ذرائع کے مطابق بڑی اسکرین کو ماجد خان اور ظہیر عباس انکلوژر کے درمیان بھی لگایا جاسکتا ہے، دوسری طرف نیشنل اسٹیڈیم میں مڈوکٹ کے دونوں جانب بڑی اسکرین لگانے کا پلان ہے۔