پی سی بی ویمنز ونگ کی سربراہی کس کے سپرد ہوگی؟

رپورٹ: عتیق الرحمٰن۔۔۔ پاکستان کرکٹ بورڈ (پی سی بی) پاکستان ویمن ونگ کی سربراہ کے عہدے کے لیے مختلف ناموں پر غور کر رہا ہے۔

ذرائع کا بتانا ہے کہ سابق خاتون ڈپٹی کمشنر لاہور عہدے کے لیے مضبوط اُمیدوار ہیں، محسن نقوی جب وزیر اعلی پنجاب تھے تو سابق خاتون ڈپٹی کمشنر بہت متحرک رہی تھیں ۔

ذرائع کا یہ بھی بتانا ہے کہ اے ایس پی گلبرگ لاہور سیدہ شہر بانو نقوی کے نام پر بھی غور وخوص کیا گیا ہے، شہر بانو نقوی بھی اُمیدواروں کی فہرست میں شامل ہیں۔

علم میں رہے کہ تانیہ ملک  نے دو روز قبل پی سی بی ویمنز ونگ کی سربراہی کے عہدے سے استعفی دے دیا تھا اور اب تانیہ ملک کے مستعفی ہونے کے بعد پی سی بی نے ویمنز ونگ کے سربراہ کے لیے تلاش شروع کردی ہے۔