سعودی عرب کی پاکستان سے ویمن فٹبال میچ کھیلنے کی پیشکش

رپورٹ: فیضان لاکھانی۔۔۔ سعودی عرب نے اس ماہ فیفا ونڈو میں خواتین فرینڈلی میچ کے لیے پاکستان فٹبال فیڈریشن ( پی ایف ایف) سے رابطہ کیا ہے جس میں میچ کے لیے پاکستان ویمن فٹبال ٹیم کو دعوت دی ہے۔

ذرائع کا بتانا ہے کہ سعودی عرب نے قطر میں پاکستان سے ویمن فٹبال میچ کھیلنے کی پیشکش کی ہے جبکہ پاکستان فٹبال فیڈریشن نے بھی سعودی عرب سے میچ کھیلنے پر دلچسپی کا اظہار کیا ہے۔

ذرائع کے مطابق  میچ کے لیے پاکستان ٹیم کے تمام اخراجات بھی سعودی فٹبال فیڈریشن برداشت کرے گی۔

میچ کے لیے دونوں ٹیموں کا تربیتی کیمپ بھی قطر میں ہی لگایا جائے گا۔ خواتین کی فیفا فرینڈلی ونڈو 25 نومبر سے 7 دسمبر کے درمیان ہے۔